“ទិញទូរស័ព្ទឲ្យកូនលេងតាំងពីតូច ធំឡើងកូននឹងចេះលេងទូរសព្ទ ខួរក្បាលរបស់ពួកគេនិងឆ្លាតជាងមុន ព្រោះអីគាត់ចេះប្រើបច្ចេកវិទ្យាតាំងពីតូច” នេះគឺជាផ្នត់គំនិតមួយដែលមាតាបិតាភាគច្រើនតែងតែគិតបែបនេះ ហើយពួកគាត់បានចំណាយលុយមួយចំនួនធំ ទិញទូរស័ព្ទដៃទំនើបទំនើបអោយកូនរបស់គាត់លេង ទោះបីជាដឹងថាកូនរបស់គាត់មានអាយុមិនទាន់សមស្របនៅក្នុងការលេងទូរសព្ទក៏ដោយ។ មានអ្នកជំនាញជាច្រើនបានលើកឡើងថាការបណ្ដោយឲ្យកុមារលេងទូរសព្ទតាំងពីតូចអាចមានផលប៉ះពាល់ជាច្រើនពាក់ព័ន្ធជាមួយនឹងសេរីរាង្គផ្សេងៗ របស់កុមារដូចជាភ្នែក និងសុខភាពផ្នែកខួរក្បាលមួយចំនួនទៀត មួយវិញទៀតវាក៏ប៉ះពាល់ដល់សតិអារម្មណ៍កាយវិការនិងឥរិយាបថនៃការទំនាក់ទំនង ផ្សេងៗនៅក្នុងសង្គមផងដែរ ព្រោះក្មេង ប្រៀបបានដូចជានិងក្រដាសសមួយសន្លឹកដែលប៉ះពាល់ជាមួយអ្វី វានិងដិតដាមនូវរឿងទាំងអស់នេះចូលទៅក្នុងខួរក្បាលរបស់វា។ ថ្លែងនៅក្នុងសន្និសីទមួយនៅសហរដ្ឋអាមេរិក លោកបណ្ឌិតកុល ផេង សាកលវិទ្យាធិការនៃសាកលវិទ្យាល័យបញ្ញាសាស្ត្របានថ្លែងថា មាតាបិតាដែលមាន កូនតូចៗ អាយុ ១ ឆ្នាំទៅ ៥ ឆ្នាំមិនគួរទិញទូរស័ព្ទទំនើបដូចជា iPhone ថេបផ្លេត និងទូរស័ព្ទទំនើបទំនើបមួយចំនួនទៀត អោយកូនតូចរបស់ ពួកគេទេដោយសារតែការធ្វើបែបនេះ វាអាចធ្វើឱ្យកុមារមួយចំនួនលែងសូវមានទំនាក់ទំនងជាមួយនឹងម្ដាយឪពុកក៏ដូចជាអ្នកនៅជុំវិញខ្លួនផងដែរ។ លោកបណ្ឌិត កុល ផេង បានតំណាលថា “ខ្ញុំបានធ្វើដំណើរទៅជប៉ុន នៅប្រទេសជប៉ុន នៅតាមរថភ្លើងរថយន្តសាធារណៈ នៅតាមភោជនីយដ្ឋានមួយ ចំនួន យុវវ័យមិនសូវមានទំនាក់ទំនងនិយាយរកគ្នានោះទេពួកគេគិតតែអង្គុយលេងទូរសព្ទ ផ្ចង់អារម្មណ៍ទៅលើតែទូរសព្ទ ដែលវាជាកត្តាមួយនេះធ្វើអោយប៉ះពាល់ទៅដល់ការធ្វើទំនាក់ទំនងនៅក្នុងសង្គមផងដែរ ពោលគឺមនុស្សលែងនិយាយរកគ្នាដោយសារតែបច្ចេកវិទ្យា។ លោកបណ្ឌិត កុល ផេង ថ្លែងលាយឡំជាមួយសំណើចថា “លោក Steve jobs កំពុងតែបង្កើតឲ្យពិភពលោកក្លាយទៅជាស្ងប់ស្ងាត់ហើយព្រោះ ទូរសព្ទ ទំនើបរបស់លោកបានធ្វើឲ្យយុវវ័យមួយចំនួនមិនសូវមានប្រាស្រ័យទាក់ទងជាមួយគ្នានិងគ្នា ដែលនេះគឺជាដើមចងមួយដែលលោកគិតថាវាអាចនឹងធ្វើឲ្យមនុស្សមួយចំនួនធំបាត់បង់នូវទេពកោសល្យនៅក្នុងការធ្វើទំនាក់ទំនងរវាងគ្នានឹងគ្នានៅក្នុងសង្គមទាំងមូល។ លោកបណ្ឌិត កុល ផេង បានសម្ដែងការព្រួយបារម្ភថាបើសិនជាឪពុកម្ដាយចង់ឲ្យកូនល្អចង់ឲ្យកូនក្លាយជាមនុស្សប៉ិនប្រសព្វនៅក្នុងសង្គម សូមមេត្តា កុំទិញទូរស័ព្ទដៃទំនើបទំនើបឲ្យកូនរបស់ខ្លួនថាអី ព្រោះ កុមារគឺជាវ័យមួយដែលត្រូវបណ្ដុះនូវទេពកោសល្យជាច្រើន សម្រាប់ពួកគេបើសិនជាយើងមិនទម្លាប់ឲ្យពួកគេនិយាយស្ដីទៅកាន់ឪពុកម្ដាយ និយាយស្ដីទៅកាន់បងប្អូននិយាយស្ដី ទៅកាន់មនុស្សជុំវិញទេពួកគេអាចនឹងក្លាយទៅជាមនុស្សម្នាក់ដែលស្ងប់ស្ងាត់ ហើយនេះគឺជាដើមចមមួយដែលធ្វើឲ្យអនាគតរបស់ពួកគេមិនសូវជាល្អប៉ុន្មានទេ។ វាជាការពិតនៅក្នុងទិដ្ឋភាពសង្គមខ្មែរបច្ចុប្បន្នឪពុកម្ដាយភាគច្រើនតែងតែបណ្ដោយឲ្យកូនតូចរបស់ខ្លួនលេងទូរសព្ទ តាមតែទំនើងចិត្តរបស់ពួកគេដោយ មិនបានគិតពីផលប៉ះពាល់ទៅលើសេរីរាង្គដូចជាភ្នែកដូចជាខួរក្បាលឬក៏ សតិអារម្មណ៍មួយចំនួនរបស់ក្មេង ។ ជំនួសឲ្យការលេងទូរសព្ទមាតាបិតាអាចស្វែងរកនូវផលិតផលមួយចំនួនសម្រាប់ក្មេងលេងដូចជាឧបករណ៍ផ្សេងៗ…
Read Moreឳពុកម្តាយសម័យថ្មី! បើចង់អោយកូនមានអនាគតកុំទិញ Phone អោយកូនអី
