ក្ដៅដូចបាយពុះ! Mo Amena ទម្លាយថា នាងដឹងថានរណាដែលនៅពីក្រោយការផុសរូបរបស់ Tangmo ហើយ!

នៅថ្ងៃទី ២៤​ ខែឧសភា ឆ្នាំ ២០២២ នេះ សាកសពរបស់តារាស្រី Tangmo កំពុងតែត្រូវបានគេរៀបចំពិធីត្រៀមបូជារួចរាល់ហើយ ដោយមានវត្តមានរបស់តារាប្រុសស្រីជាច្រើនរូប ចូលមកជូនដំណើរនាងជាលើកចុងក្រោយ ហើយជាពិសេសគេក៏ឃើញមានវត្តមានរបស់ Mo Amena ដែលជាមិត្តជិតស្និទ្ធរបស់នាងផងដែរ។

មកដល់ក្នុងពិធីនេះ Mo ក៏បានឆ្លៀតឱ្យសម្ភាសជាមួយអ្នកកាសែត ទាក់ទងនឹងរឿងរ៉ាវដែលមានជនបន្លំជាគណនី Tangmo មកបង្ហោះរូបចម្លែកៗ បង្ករ​​ភាពភ្ញាក់ផ្អើលដល់មហាជនប៉ុន្មានថ្ងៃនេះផងដែរ។

នាងបានឱ្យដឹងដូច្នេះថា នាងដឹងថាមានរឿងរ៉ាវច្រួលច្របល់ជាមួយនឹងផេក Tangmo ប៉ុន្មានថ្ងៃនេះ ហើយនាងក៏ដឹងថានរណានៅពីក្រោយរឿងផងដែរ ព្រោះជននោះបានទាក់ទងមកនាងទៀតផង។

នាង និងជននោះ បាននិយាយជាមួយគ្នាជាច្រើន នាងបានសុំគេមើលរូបភាពទាំងប៉ុន្មានអស់ហើយ រួមជានឹងភស្តុតាងជាច្រើនទៀត តែរបស់ទាំងនេះ វាមិនអាចជួយអ្វីដល់ក្តីបានឡើយ បើជួយបានគឺជួយបានតិចបំផុត។

មានរូបខ្លះភស្តុតាងខ្លះ នាងក៏បានសុំមិនឱ្យគេមិនបញ្ចេញឡើយ ហើយបើគេមកក្នុងបំណងល្អ ចង់ជួយរកការពិត ចង់ជួយកុំឱ្យក្តីស្ងប់ពិតមែននោះ នាងក៏អរគុណ និងបណ្តោយឱ្យគេធ្វើទៀត តែបើគេមកក្នុងការធ្វើឱ្យ កាន់តែខូចខាត នាងក៏សុំឱ្យគេឈប់​ដែរ។ ចុងក្រោយ នាងមិនអាចបញ្ចេញបានទេ ថាជននោះជាអ្នកណា នាងពិតជាសុំទោស មានតែទុកឱ្យគេចេញមុខមកខ្លួនឯងប៉ុណ្ណោះ៕

Leave a Reply

Your email address will not be published.