កាន់តែគួរឱ្យអាសូរ ក្រោយអានសារ សុវត្ថិឌី ធារិកា បញ្ចេញអារម្មណ៍លាអ្នកមានគុណលើហ្វេសប៊ុក

ចាប់តាំងពីលោកឪពុកអ្នកម្ដាយបានជួបគ្រោះថ្នាក់លាចាកលោកកាលពីថ្ងៃទី ១៧ ខែឧសភា ឆ្នាំ ២០២២ ទៅ សុវត្ថិឌី ធារិកា គិតតែពីយំសោកសៅ ព្រោះត្រូវឃ្លាតអ្នកមានគុណបំផុតក្នុងជីវិតដែលធ្លាប់ផ្ដល់ភាពកក់ក្ដៅ ធ្លាប់ផ្ដល់ការស្រឡាញ់ថ្នាក់ថ្នមជារៀងរហូតគ្មានថ្ងៃវិលត្រឡប់ បន្សល់តែស្នាមញញឹមក្នុងរូបថតមិនអាចត្រឡប់មករួមរស់ផ្ដល់ក្ដីសុខក្នុងគ្រួសារដូចកាលពីមុនទៀតបាននោះទេ។

ពិតណាស់នៅរសៀលថ្ងៃទី ១៩ ឧសភា នេះ សាកសពរបស់ឪពុកម្ដាយ សុវត្ថិឌី ធារិកា នឹងត្រូវប្រារព្ធពិធីបូជាតាមប្រពៃណីហើយ។ មុនចាប់ផ្ដើលពិធីបូជា តារាចម្រៀងស្រីវ័យក្មេងរូបនេះ បានបង្ហោះទិដ្ឋភាពក្នុងពិធីបុណ្យសពរបស់លោកអ្នកមានគុណទាំងពីរនៅលើគណនីហ្វេសប៊ុក ព្រមទាំងបញ្ចេញអារម្មណ៍តាមរយៈសារមួយ មហាជនឃើញថាចាត់ដោតកាន់តែអាណិតដល់នាងទ្វេដង។

ធារិកា បានពោលពាក្យលាឪពុកម្ដាយប្រកបដោយការឈឺចាប់ជាទីបំផុតថា ៖ «សពរបស់ប៉ាម៉ាក់នាងខ្ញុំ នឹងត្រូវបូជាម៉ោង 4 រសៀលនេះហើយ លាគ្មានថ្ងៃត្រឡប់អ្នកមានគុណដ៏ល្អគ្មានពីរ»៕

Leave a Reply

Your email address will not be published.