ភ្នំពេញ ៖ ជឿជាក់ថា បងប្អូនប្រាកដជា បានស្គាល់ពីកេរ្តិ៍ឈ្មោះរបស់ អភិបាលនៃគណៈអភិបាលរាជធានីភ្នំពេញ លោក ឃួន ស្រេង ជាមន្ត្រីខិតខំធ្វើការយ៉ាងសកម្ម មិនតែប៉ុណ្ណោះ ក្រោមការគ្រប់គ្រងរបស់រូបលោក សុទ្ធតែ ទទួលបានផ្លែផ្កាល្អក្រៃលែង ជាពិសេស ទទួលបានការពេញចិត្តខ្លាំងពីប្រជាពលរដ្ឋ។
យ៉ាងណាមិញ កាលពីម្សិលមិញនេះ ជាថ្ងៃមង្គលរបស់កូនស្រីច្បងរបស់ លោក ឃួន ស្រេង ដែលធ្វើឲ្យ មហាជនកោតសរសើរពី សម្រស់កូនស្រីនិងអនាគតកូនប្រសារ មើលទៅចាស់ទុំ រមទម្យនិងសុភាពរាបសាជាខ្លាំង គ្រាន់តែក្រឡេកមើល ក៏ដឹងថា សុទ្ធតែជា បញ្ញាវ័ន្តទទួលការអប់រំខ្ពស់ដែរ។
បើក្រឡេកទៅមើល ទិដ្ឋភាពក្នុងរោងជ័យវិញ នេះត្រឹមតែជា ពិធីចែចូវតែប៉ុណ្ណោះ តែរៀបចំយ៉ាងស្រស់ស្អាតដូចឋានសួគ៌ គ្រាន់តែឃើញហើយ ក៏ជ្រួលជ្រើមចង់រៀបការនឹងគេដែរ ដែលធ្វើឲ្យមហាជន ផ្ទុះការចាប់អារម្មណ៍ ចុះទម្រាំតែថ្ងៃរៀបការនោះ តើការរៀបចំនឹងអធិកអធមដល់ថ្នាក់ណាទៅ បើឪពុកម្តាយ ទាំងសងខាង សុទ្ធតែជា មន្ត្រីមានមុខមាត់ក្នុងសង្គម ពីការងារ និងសមត្ថភាពខ្លាំង ដូច្នេះ៕
បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖
