ឃាត់ខ្លួនបុរសម្នាក់ ទំនេរពេកទៅបើកទ្វារយន្តហោះ រួចដើរលើស្លាបទាំងយន្តហោះមិនទាន់ឈប់

បុរស​ម្នាក់ ត្រូវ​បាន​ឃាត់​ខ្លួនភ្លាមៗ នៅ​ឯ​ព្រលាន​យន្តហោះ O’Hare ក្រុង Chicago ក្រោយ​ធ្វើ​ការ​បើក​ទ្វារ​ច្រក​បន្ទាន់ រួច​ដើរ​ឡើង​ទៅ​លើ​ស្លាប​យន្តហោះ ខណៈ​យន្តហោះ​កំពុង​តែ​ដំណើរការ​លើ​ផ្លូវ​ទៅ​ច្រក​ទ្វារ​ចុះ​ចត។

តាម​​សារព័ត៌មាន Daily Mail បាន​ឱ្យ​ដឹង​ថា អ្នក​ដំណើរ​លើ​ជើង​ហោះ​ហើរ​លេខ 2478 របស់ United Airlines ចាក​ចេញ​ពី San Diego បាន​នាំ​គ្នា​ភ្ញាក់​ផ្អើល​ជា​ខ្លាំង នៅ​ពេល​បុរស​ម្នាក់ ដែល​មិន​ស្គាល់​អត្តសញ្ញាណ បាន​ចាប់​ទាញ​ទ្វារ​ច្រក​ចេញ​បន្ទាន់​នៅ​ជួរ​ទី ២១ នៅ​វេលា​ម៉ោង​ប្រមាណ​ជា ៤ និង ៣០ នាទី​ភ្លឺ​ថ្ងៃ​ទី ០៥ ខែ​ឧសភា ឆ្នាំ ២០២២។

ក្រោយ​មក​បុរស​រូប​នោះ ក៏​បាន​រំអិល​ខ្លួន​ចុះ​លើ​វាល​ផ្លូវ​យន្តហោះ មុន​ត្រូវ​បាន​ក្រុម​បុគ្គលិក​ព្រលាន​ទាក់ទង​ខាង​អាជ្ញាធរ​មក​ឃាត់​ខ្លួន​យក​ទៅ​សួរ​​នាំ​​នៅ​ប៉ុស្តិ៍ ខណៈ​ទោស​ទណ្ឌ​យ៉ាង​ណា​នោះ​នៅ​មិន​ទាន់​បាន​បញ្ជាក់​នៅ​ឡើយ​នោះ​ទេ៕

Leave a Reply

Your email address will not be published.