ណាត់គ្នាទៅ! ថ្ងៃ ១៤ ខាងមុខ នឹងមានអុជកាំជ្រួចនៅមុខវាំង អបអរព្រះរាជពិធីបុណ្យចម្រើនព្រះជន្ម ព្រះមហាក្សត្រខ្មែរ

គណៈកម្មាធិការជាតិ រៀបចំបុណ្យជាតិ-អន្តរជាតិ នៅថ្ងៃទី ០៦ ខែឧសភា ឆ្នាំ ២០២២ នេះ បានឱ្យដឹងពីសេចក្តី​ជូន​ដំណឹង ​ស្ដី​ពី​ការ​អុជកាំជ្រួច អបអរសាទរ ​ព្រះ​រាជពិធី​បុណ្យ​ ចម្រើនព្រះជន្ម សម្តេច​ព្រះ​បរមនាថ​ នរោត្ដម​ សីហមុនី ព្រះ​មហាក្សត្រ​ នៃ​ព្រះរាជា​ណាចក្រ​កម្ពុជា​ គម្រប់​ព្រះ​ជន្ម​ ៦៩​ យាង​ចូល​ ៧០ ព្រះ​វស្សា។

ក្នុងនោះ ខាងគណៈកម្មការបានបញ្ជាក់ឱ្យបានដឹងថា ក្នុងឱកាសរៀបចំព្រះរាជពិធីបុណ្យចម្រើន​ព្រះជន្ម​ ថ្វាយព្រះ​ករុណា​ ព្រះ​បាទ​សម្តេច​ ព្រះ​បរមនាថ​ នរោត្ដម​ សីហមុនី​ ព្រះ​មហាក្សត្រ​ នៃ​ព្រះរាជា​ណាចក្រ​កម្ពុជា​ ជាទីសក្ការៈដ៏ខ្ពង់ខ្ពស់បំផុត គម្រប់​ព្រះ​ជន្ម​ ៦៩​ យាង​ចូល​ ៧០ ព្រះ​វស្សា ដែលនឹងប្រព្រឹត្តទៅនាពេលខាងមុខនេះ គណៈកម្មាធិការជាតិ រៀបចំបុណ្យជាតិ-អន្តរជាតិ នឹងមានការចាត់តាំងអុជកាំជ្រួច នាថ្ងៃទី ១៤ ខែឧសភា ឆ្នាំ​ ២០២២ វេលាម៉ោង ១៩:០០ យប់ នៅទីតាំងទន្លេចតុមុខ មុខព្រះបរមរាជវាំង៕

Leave a Reply

Your email address will not be published.