បងស្រីល្បី ហាយសូរក្នុងTikTok ជិះឡានរាប់លានដុល្លារ ដែលគ្រប់គ្នា កោតសរសើរ ត្រូវបានចាប់ខ្លួន

ពិតណាស់ កាលពីយប់មិញនេះ ផ្ទុះការចាប់អារម្មណ៍ជាខ្លាំង ក្រោយនារីម្នាក់ ដែលត្រូវគេស្គាល់ជា ពាណិជ្ជករស្រីល្បីឈ្មោះម្នាក់ ធ្លាប់ប្រើជីវិតឡូយឆាយ ត្រូវគេឯងកោតសរសើរនិង ស្ងប់ស្ងែងគ្រប់គ្នា ត្រូវគេចា.ប់ខ្លួនកាលពីយប់មិញនេះ ព្រោះទឹកប្រាក់ជាង ៧៧ម៉ឺនដុល្លារ ពីបទ មិនបំពេញកាតព្វកិច្ច ចំពោះឧបករណ៍អាជួញដូរបាន។

ជាក់ស្តែង នេះបើយោងតាមការបង្ហោះចេញពី ស្នងការដ្ឋាននគរបាលរាជធានីភ្នំពេញ បានប្រាប់ឲ្យដឹងលើបណ្តាញសង្គមផ្លូវការរបស់ខ្លួន យ៉ាងដូច្នេះថា ៖
ជនសង្ស័យម្នាក់ ពាក់ព័ន្ធករណីមិនបំពេញកាតព្វកិច្ច ចំពោះឧបករណ៍អាចជួញដូរបាន ត្រូវបានកម្លាំងការិយាល័យនគរបាលព្រហ្មទណ្ឌកំរិតធ្ងន់ នៃស្នងការដ្ឋាននគរបាលរាជធានីភ្នំពេញ បានធ្វើការស្រាវជ្រាវឃាត់ខ្លួន នៅថ្ងៃទី០៤ ខែឧសភា ឆ្នាំ២០២២ កម្លាំងការិយាល័យនគរបាលព្រហ្មទណ្ឌកំរិតធ្ងន់ នៃស្នងការដ្ឋាននគរបាលរាជធានីភ្នំពេញ បានធ្វើការស្រាវជ្រាវឃាត់ខ្លួនជនសង្ស័យម្នាក់ នៅចំណុចមុខអាគា Rise Commercial Building លេខ៥ ផ្លូវលេខ២៨២ សង្កាត់បឹងកេងកងទី១ ខណ្ឌបឹងកេងកង រាជធានីភ្នំពេញ ដោយអនុវត្តតាមដីកាបញ្ជាឲ្យចូលខ្លួនរបស់ឯកឧត្តម ច្រឹង ខ្មៅ ព្រះរាជអាជ្ញា នៃអយ្យការអមសាលាដំបូងរាជធានីភ្នំពេញ ពាក់ព័ន្ធករណីមិនបំពេញកាតព្វកិច្ច ចំពោះឧបករណ៍អាចជួញដូរបាន ទឹកប្រាក់ចំនួន ៧៧៦០០០ដុល្លា តាមពាក្យបណ្តឹងរបស់ឈ្មោះ លឹម ហ៊ួរនីតូ ភេទប្រុស អាយុ ៣៤ឆ្នាំ មុខរបរ ពាណិជ្ជករ។ ជនសង្ស័យឈ្មោះ ពេជ្រ ស្រីមុំ ភេទស្រី អាយុ ៣៥ឆ្នាំ ជនជាតិ ខ្មែរ មុខរបរ ពាណិជ្ជករ ស្នាក់នៅផ្ទះលេខ ២៥២ ផ្លូវផ្លាទីនឹម សង្កាត់និរោធ ខណ្ឌច្បារអំពៅ រាជធានីភ្នំពេញ។ បច្ចុប្បន្នជនសង្ស័យខាងលើ កម្លាំងជំនាញកំពុងកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញ ដើម្បីចាត់ការបន្តតាមនីតិវិធីច្បាប់៕

Leave a Reply

Your email address will not be published.